கருப்பை செய்யும் அம்மா
வெந்த கருப்பையை |
அம்மா கழற்றி வைத்திருந்தாள். |
நமுத்த விறகு |
ஊதலுக்காய்க் காத்திருந்தது. |
இட்லி எட்டணா, தோச ஒர்ருவா, |
பணியாரம் நாலணா… |
பள்ளிக்கூடத்துப் புள்ளய்ங்க வந்தாக்குடுன்னு |
சொல்லிவிட்டு |
அம்மா தண்ணீர் பிடிக்கச் சென்றிருந்தாள். |
முதன்முறையாக அடுப்பை ஊதினேன். |
அடிவயிறு பத்திக்கிட்டு எரியுதுடா என்ற |
அம்மாவின் குரல் ஞாபகம் |
என் அடிவயிறைப் பற்றச் செய்தது. |
மடியில் கிடத்தி, தலை வருடி |
உறங்கச் சொல்லிய இரவொன்றில் |
என்னைச் சுற்றி கருப்பை செய்துகொண்டிருந்தாள் |
அம்மா, |
உறங்காது விழித்தபடி. |
-முனி, திண்டுக்கல் |
நன்றி: ‘பயணம் புதிது’, ஜூலை-ஆகஸ்ட்-2006 |